मरने वाले

समाज की खातिर मरने आले आज तलक तो मरे नहीं
कुर्बान भारत देश पर होने वाले कदे किसे तै भी डरे नहीं
सफ़दर की हंसी हवा मैं आज भी नयोंए गूँज रही सै
चारों धाम यो मच्या तहलका सारी दुनिया बूझ रही सै
बैरी को नहीं सूझ रही सै पिछले गढ़े इबै ये भरे नहीं
मीडिया मैं जगहां बनाई वीडियो बढ़िया त्यार करि थी
खिलती कलियाँ के माँ बात सही दखे हर बार करी थी
जवानी उसकी हूंकार भरी थी गलत काम कदे करे नहीं
जितने जीया सफ़दर साथी वो जीया जमा जी भरकै नै
भावुक लेखक बढ़िया अदाकार वो बण्या कोशिश करकै नै
निभाया वायदा मरकै नै जुल्मों तै सफ़दर कदे डरे नहीं
एक सफ़दर नै राह दिखाई हजारों सफ़दर इब आगै आवैंगे
माला हाश्मी बणी सै चिंगारी घर घर मैं जा अलख जगावैंगे
फिरकापरस्ती तैं टकरावैंगे रणबीर के कलम दवात जरे नहीं